सर्लाही – जिल्ला प्रहरी कार्यालय सिरहामा महिला सेलमा कार्यरत जवान करिश्मा सुनार कार्यालयको शौलाचयमा झुन्डिएको अवस्थामा फेला परेको घटनामा आत्महत्या दुरुत्साहन आरोपमा प्रहरीले दैलेखका एक जनालाई पक्राउ गरेको छ।
पक्राउ पर्नेमा दैलेखको खरिगैडा घर भई हाल बाँकेको बैधनाथ गाउँपालिका २ मा बस्ने २७ वर्षीय पुष्कर थापा मगर रहेको जिल्ला प्रहरी कार्यालय सिरहाले जनाएको छ। घटना गत जेठ ३१ गतेको हो।
सो घटनाको अनुसन्धानको क्रममा पुष्करलाई पक्राउ गरेर कारबाहीको लागि जिल्ला प्रहरी कार्यालय सिरहामा ल्याइएको छ । उनीमाथि प्रहरिले आत्महत्या दुरुत्साहन मुद्दामा सिरहा जिल्ला अदालतबाट म्याद गरी थप अनुसन्धान गरिरहेको छ।
सम्बन्धित खबर :
जिल्ला प्रहरी कार्यालय सिरहामा महिला सेलमा कार्यरत प्रहरी जवान मृत फेला
