सर्लाही – सिरहामा खाना खाने विषयको विवादमा चिरपट प्रहारगरि एक जनाको हत्या भएको छ।
जिल्लाको गोलबजार नगरपालिका १० धर्मपुरमा मंगलबार राति २८ वर्षीय फेकु भन्ने संजय सदाले आफ्नै फुपूको छोरा ४० वर्षीय गेनी सदायमाथि खाना खाने समयमा खानाकै विषयमा बिबाद हुँदा चिरपट प्रहार गरेका थिए। बिबाद हुँदा उनीहरु मदिरा पीएर मातेका स्थानीयबाट बुझिएको प्रहरीले जनाएको छ।
घटना मंगबार राति घटे पनि प्रहरीलाई खबर बुधबार बिहान आएको र त्यसपछि प्रहरी घटनास्थलमा पुगेर घाईते गेनीलाई उपचारका लागि अस्पताल लगिएको थियो र गेनिको उपचारकै क्रममा बुधबार मृत्यु भएको हो। अहिले शवलाई पोष्टमार्टमको लागि प्रादेशिक अस्पताल लहानमा राखिएको र घटनाका सम्बन्धमा थप अनुसन्धान भईरहेको जिल्ला प्रहरी कार्यालय सिरहाले जनाएको छ।
सम्बन्धित समाचार
