गोडैता – सर्लाहीमा पेस्तोलसहित एक जना पुरुष पक्राउ परेका छन्। पक्राउ पर्नेमा जिल्लाको लालबन्दी नगरपालिका-१५, बोरे डाँडाका रामलाल मोक्तान रहेका छन्।
गोप्य सूचनाको आधारमा खटिएको तालुक मधेश प्रदेश प्रहरी कार्यालय जनकपुर र इलाका प्रहरी कार्यालय लालबन्दीको सयुक्त टोलीले मोक्तानलाई आज (सोमबार) दिउँसो पक्राउ गरेको हो।
मोक्तानले आफ्नो घरको कोठामा Adidas लेखिएको कालो झोला भित्र इन युएसए लेखिएको रिभलवर पेस्तोल लुकाई राखेका थिए। गोप्य सूचनाको आधारमा खटिएको प्रहरीको टोलीले उक्त पेस्तोल भेटाएपछि उनलाई पेस्तोलसहित पक्राउ गरेको हो।
पक्राउ परेका मुक्तानामाथि जिल्ला अदालत सर्लाहीबाट हातहतियार खरखजाना ऐन अन्तर्गत ५ दिनको म्याद थप गरी यस बिषयमा थप अनुसन्धान भईरहेको जिल्ला प्रहरी कार्यालय सर्लाहीका सूचना अधिकारि तथा प्रवक्ता प्रहरी नायव उपरीक्षक दिपक श्रेष्ठले जानकारी दिए।
