सर्लाही – रौतहटमा बस दुर्घटना हुँदा एक युवतीको मृत्यु भएको छ भने ८ जना घाइते भएका छन्। मृत्यु हुनेमा जिल्लाकै माधवनारायण नगरपालिका-३, भेल्हीकी १८ वर्षीया नेहा कुमारी गिरी रहेको प्रहरीले जनाएको छ।
प्रहरीका अनुसार आज (शनिबार) बिहान गौरबाट भैरहवातर्फ जाँदै गरेको ना ७ ख ८४१४ नम्बरको बस गौर चन्द्रपुर सडक खण्ड अन्तरगत गरुडा नगरपालिकाको सखुवा र जयनगरको बीचमा अनियन्त्रित भई सडक मै पल्टिएको हो।
दुर्घटनामा घाईते भएकाहरुको उद्वार गरि अहिले स्थानिय अस्पतालमा उपचार भईरहेको बताईएको छ। दुर्घटना पश्चात बसका चालक फरार रहेको र उनको खोजि कार्य जारि राखिएको जिल्ला प्रहरी कार्यालय रौतहटले जनाएको छ।
