गोडैता – सर्लाहीमा रोपाइँका लागि खेत जोत्दै गरेको ट्याक्टर अनियन्त्रित भइ पल्टिंदा एक जनाको मृत्यु भएको छ। मृत्यु हुनेमा जिल्लाको हरिवन नगरपालिका–२, अत्रौलीका ५० वर्षीय सहदेव राउत रहेका छन्।
आज (आईतबार) दिउँसो सोहि नगरपालिकाको वडा नम्बर १ पटौनामा धान रोपाईका लागि खेत जोत्दै गरेको ज १ त ५७५७ नं. को ट्याक्टर एक्कासि अनियन्त्रित भई पल्टिंदा राउतको आफैले चलाईरहेको ट्याक्टरमा च्यापिएर मृत्यु भएको हो।
मृतक राउतको शव अहिले पोस्टमार्टमका लागि जिल्ला सदरमुकाम मलंगवास्थित प्रादेशिक अस्पतालमा राखिएको र घटनाका सम्बन्धि अनुसन्धान भईरहेको जिल्ला प्रहरी कार्यालय सर्लाहीले जनाएको छ।
