गोडैता – सर्लाहीमा मोटरसाईकल अनियन्त्रित भई दुर्घटना हुँदा एक बालिकाको मृत्यु भएको छ। मृत्यु हुनेमा जिल्लाको बागमती नगरपालिका-४, निवासी सोम बहादुर डिङडुङकी छोरी २ वर्षीया कृष्टिना डिङडुङ रहेको प्रहरीले जनाएको छ।
आइतबार दिउँसो बा २९ प ९५९८ नम्बरको मोटरसाइकल सोहि नगरपालिका-५, केराबारीस्थित सडकमा अनियन्त्रित भई दुर्घटना हुँदा कृष्टिना गम्भीर घाईते भएकी थिइन्।
गम्भीर घाईते कृष्टिनालाई उपचारका लागि लालबन्दीस्थित गाउँमैत्री अस्पतालमा लागेको र उनको सोहि अस्पतालमा उपचारका क्रममा मृत्यु भएको हो। घटनाका सम्बन्धमा थप अनुसन्धान भईरहेको जिल्ला प्रहरी कार्यालय सर्लाहीले जनाएको छ।
सम्बन्धित समाचार
