सर्लाही – रौतहटमा बाँदर नियन्त्रणको मागसहित किसानहरुले प्रदर्शन गरेका छन्। जिल्लाको गरुडा नगरपालिकाका किसानहरुले बाँदरले बाली खाइदिने तथा बाली उत्पादन नै हुन नदिने भएपछि नियन्त्रणको माग गर्दै स्थानीय गरुडा बजारमा प्रदर्शन गरेका हुन् ।
किसानहरुले मंगलवार गरुडा नगरपालिकामा बाँदर नियन्त्रणका लागि ज्ञापनपत्रसमेत बुझाएका थिए । बाँदरले खेतबारीमा फल्दै गरेको मकै लगायतका बालीनाली मात्र होइन, मान्छे नभएको मौकामा घरभित्रै पसेर अन्नपात समेत नास गर्ने गरेको किसानले गुनासो गर्दै आएका छन् ।
