गोडैता – सर्लाहीमा मोटरसाइकलको ठक्करबाट एक जना पुरुषको मृत्यु भएको छ।
मृत्यु हुनेमा जिल्लाको हरिपुर नगरपालिका–१, जानकीनगरका ३८ वर्षीय इन्द्रहरि पोखरेल रहेको प्रहरीले जनाएको छ। प्रहरीका अनुसार शनिबार साँझ उनकै गाउँस्थित सडकमा बरहथवातिर जाँदै गरेको ज ८ प ६८८९ नम्वरको मोटरसाइकलले उनलाई ठक्कर दिएको थियो।
मोटरसाईकलको ठक्करबाट गम्भीर घाईते भएका पोखरेललाई उपचारका लागि हरिवनमा लगिएकामा त्यहाँ समान्य उपचार गरेर थप उपचारका लागि बिरगंज लिंदै गर्दा बाटोमै (रौतहटको चन्द्रनिगाहपुरमा ) मृत्यु भएको हो।
अहिले मृतक पोखरेलको शव पोस्टमार्टमका लागि रौतहटको चन्द्रनिगाहपुरमा राखिएको छ। प्रहरीले पोखरेललाई ठक्कर दिने मोटरसाईकल र मोटरसाईकलका चालकलाई पक्राउ गरेर घटनाका सम्बन्धमा थप अनुसन्धान अघि बढाएको छ।
सम्बन्धित समाचार
