गोडैता – सर्लाहीमा ट्याक्टर दुर्घटना हुँदा एक जनाको मृत्यु भएको छ। जिल्लाको बरहथवा नगरपालिका–१२, पटेर्वा टोलमा गएराती ना ६ त १२६५ नम्वरको ट्याक्टर दुर्घटना हुँदा सोहि नगरपालिका, सोहि वडा पुरैनिया टोलका ३० वर्षीय सुरेश रायको मृत्यु भएको हो।
राति करिव ९ बजेतिर खेत जोतिरहेका रायको एक्कासि ट्याक्टर पल्टिदा घटनास्थलमै मृत्यु भएको हो। मृतक रायको शव अहिले पोस्टमार्टमका लागि जिल्ला सदरमुकाम मलंगवास्थित प्रादेशिक अस्पतालमा राखिएको र घटनाका सम्बन्धमा अनुसन्धान भईरहेको प्रहरीले जनाएको छ।
