सर्लाही – रौतहटबाट सर्लाहीतर्फ आउँदै गरेको जन्ती सवार गाडी दुर्घटना हुँदा दुई जनाको मृत्यु भएको छ।
जिल्लाको गढिमाई नगरपालिकाको ६ सिंगारमन धर्मपुरमा जन्ती बोकेको एचआर ७ डी ८३८२ भारतीय नम्बरको स्कार्पियो आज बिहान ९ बजे अनियन्त्रित भई नहरमा पल्टिएर दुर्घटना हुँदा दुई जनाको मृत्यु भएको हो।
दुर्घटनामा परि मृत्यु हुनेमा सर्लाही चक्रघट्टा गाउँपालिका ३ सुन्दरपुर बस्ने रबिन्द्र पंडितको छोरी बर्ष ७ की स्वेता पंडित र काठमाडौं घर भएका ५५ बर्षीय कुल बहादुर श्रेष्ठ रहेको प्रहरीले जनाएको छ।
गाडीमा १२ जना सवार रहेकोमा ५ जना सकुशल रहेको, २ जनाको मृत्यु भएको र अन्य ३ जना घाईते भएको बताईएको छ। घाइतेको अहिले स्थानिय अस्पतालमा उपचार भईरहेको छ। गाडीका चालक भने फरार रहेको र उनको खोजि कार्य भईरहेको रौतहट प्रहरीले जनाएको छ।
सम्बन्धित समाचार
