सर्लाही – काठमाडौंबाट वीरगन्ज आउँदै गरेको सुमो मकवानपुरमा दुर्घटनामा परेको छ।
आज शनिबार बिहान काठमाडौंबाट वीरगन्जको लागी छुटेको मधेश प्रदेश ०३-००१ ज ०३६२ नम्बरको सुमो आफैँ अनियन्त्रित भई दुर्घटना भएको हो। दुर्घटनामा परि १० जना घाइते भएका छन् ।
घाइतेमध्ये तीन जनाको अवस्था गम्भीर रहेको मकवानपुर प्रहरीले जनाएको छ । प्रहरीका अनुसार इन्द्रसरोवर गाउँपालिका वडा नम्बर ३ सिस्नेरी बजार नजिकै सुमो दुर्घटना भएको हो । अहिले घाइते सबैलाई उपचारको लागी काठमाडौं पठाइएको छ।
