गोडैता – सर्लाहीमा बाख्रालाई घाँस काट्न जंगल गएका वृद्ध मृत फेला परेका छन्। जिल्लाको लालबन्दी नगरपालिका–७, निवासी ६० वर्षीय खिलराज खड्का आज (शनिबार) बिहान सोहि नगरपालिकाको वडा नम्बर-८ स्थित लालबन्दी साझेदारी वनमा मृत फेला परेका हुन्।
पारिवारिक स्रोतका अनुसार खडका आईतबार बिहान उक्त जंगलमा बाख्रालाई घाँस काट्न गएका थिए। साँझ अबेरसम्म घर नफर्कीएपछि परिवारले प्रहरीलाई खबर गरि सयुक्त रुपमा उनको खोजीमा लागेका थिए।
खोजि कै क्रममा शनिबार बिहान उक्त जंगलमा उनि मृत फेला परेका हुन्। घटनास्थलमा उनले लिएको साईकलमा घाँस बाँधिएको अवस्थामा छ भने, सोहि स्थानमा उनको शव भेटिएको छ। शरीरमा त्यस्तो कुनै चोट भने नदेखिएको प्रहरीले जनाएको छ।
मृतक खडकाको शव अहिले पोष्टमार्टमका लागि जिल्ला सदरमुकाम मलंगवामा राखिएको छ। अहिलेसम्म घटनाको कारण खुल्न नसकेको तथा घटनाका सम्बन्धमा थप अनुसन्धान भैइरहेको जिल्ला प्रहरी कार्यालय सर्लाहीले जनाएको छ।
