सर्लाही – सिन्धुलीमा पिकअप भ्यानको ठक्करबाट सर्लाहीका एक पुरुषको मृत्यु भएको छ। मृत्यु हुनेमा सर्लाहीको चक्रघट्टा बस्ने ३५ वर्षीय गणेश राय रहेको प्रहरीले जनाएको छ।
प्रहरीका अनुसार राय र उनका साथि प्रदेश २–०३–००६ प ३७५५ नम्बरको मोटरसाइकलमा सवार भई काठमाडौंंतर्फ जाँदै थिए र काठमाडौंंबाट सिन्धुलीतर्फ आउंदै गरेको प्रदेश २–०२–०० १ च ०४८७ नम्बरको पिकअप भ्यानले उनीहरु सवार मोटरसाइकललाई ठक्कर दिँदा उनि र मोटरसाइकलको पछाडि सवार उनका साथि ३३ वर्षीय धिरेन्द्र ठाकुर घाईते भएका थिए।
उनीहरुलाई उपचारका लागि काभ्रेको धुलिखेल अस्पतालमा लगिएको थियो। सोहि क्रममा रायको उपचारको क्रममा आज बिहान मृत्यु भएको हो। यस्तै, ठाकुरको भने अहिले सोही अस्पतालमा उपचार जारी रहेको प्रहरीले जनाएको छ।
