गोडैता – सर्लाहीको गोडैतामा महिलालाई दुर्व्यबहार गरेको आरोपमा एक जना पुरुष पक्राउ परेका छन्। पक्राउ पर्नेमा गोडैता नगरपालिका-८ निवासी श्रवन कुमार दास रहेका छन्।
उनलाई गत आईतबार प्रहरी चौकी गोडैताले पक्राउ गरेको हो। प्रहरीका अनुसार दासलाई आफ्नै छिमेकी एक महिलामाथि अभद्र व्यवहार गरेको आरोपमा पक्राउ गरिएको हो।
पिडित महिलाले निबेदन दिएपछि उनलाई नियन्त्रणमा लिएर जिल्ला प्रहरी कार्यालय पठाईएको प्रहरी चौकी गोडैताले जनाएको छ। जिल्ला प्रहरी कार्यालय सर्लाहीका अनुसार उनलाई अहिले मलंगवा हिरासतमा राखेर घटनाका सम्बन्धमा थप अनुसन्धान भईरहेको छ।
