गोडैता – सर्लाहीमा ३ बर्षिय बालकको पानीमा डुबेरमा मृत्यु भएको छ। जील्लाको चक्रघट्टा गाउँपालिका-३, सुन्दरपुरमा स्थानिय संजिव रायका ३ बर्षिय छोरा अंशु रायको खेल्ने क्रममा खोलामा डुबेर मृत्यु भएको प्रहरीले जनाएको छ।
प्रहरीका अनुसार घर नजिकै रहेको ढाङ्ग्रा खोलामा शनिबार दिउँसो उनि डुबेको अवस्थामा भेटिएको र उनलाई तत्काल उपचारका लागि जील्ला सदरमुकाम मलंगवास्थित प्रादेशिक अस्पतालमा लगिएकामा दिउँसो ठिक १ बजे चिकित्सकले मृत घोषणा गरेका हुन्।
अहिले मृतक बालकको शव पोस्टमार्टमका लागि सोहि अस्पतालमा राखिएको र घटनाका सम्बन्धमा थप अनुसन्धान भईरहेको जिल्ला प्रहरी कार्यालय सर्लाहीले जनाएको छ।
