सर्लाही – सिन्धुलीमा बोलेरो दुर्घटना हुँदा वडा सदस्यसहित तीन जनाको मृत्यु भएको छ। मृत्यु हुनेमा गोलन्जोर गाउँपालिका- ६ हैबारका पृथ्वी भुजेल,सोही वडाको नाकाजोलीका उदय बहादुर मस्राङ्गी मगर र पवन मस्राङ्गी मगर रहेका छन् ।मृतक उदय गोलन्जोर गाउँपालिका ६ का निर्वाचित वडा सदस्य समेत हुन् ।
दुर्घटनामा १० घाईते भएको सिन्धुली प्रहरीले जनाएको छ। प्रहरीका अनुसार अहिले घाईतेमध्ये केहीको जिल्ला अस्पतालमा उपचार भईरहेको छ। घाइतेमध्ये तिन जनाको अवस्था गम्भीर रहेको बताईएको छ। उनीहरूलाई थप उपचारका लागि काठमाडौं पठाइएको छ ।
बिहिबार बिहान गोलन्जोर गाउँपालिकाको-६ को हैबार नाकाझोलीबाट सिन्धुली सदरमुकाम माढीबजार तर्फ आउँदै गरेको तरकारी तथा खाद्यान ओसार पसार गर्ने डबल क्याव बा २० च ८२८३ नम्बरको बोलेरो जिल्लाकै कमलामाई नगरपालिका- २ चियाबारी नजिकै सडकमै पल्टिएको थियो ।
सम्बन्धित समाचार
