सर्लाही – जाजरकोटमा भीरबाट लडेर एक जना बालिकाको मृत्यु भएको छ। जिल्लाको छेडागाड नगरपालिका–१ जाल्मामा घाँस काट्न जंगल गएकी १४ वर्षीया मनिषा विकको भीरबाट लडेर मृत्यु भएको हो।
मनिषा बुधबार (हिजो) घर नजिकै रहेको जंगलमा घाँस काट्ने क्रममा लडेर गम्भीर घाईते भएकी थिइन्, गम्भीर घाईते भएकी मनिषालाई उपचारका लागि स्थानिय अस्पतालामा लगिएको थियो। सोहि अस्पतालमा उनको उपचारको क्रममा मृत्यु भएको जाजरकोट प्रहरीले जनाएको छ।
जुनीचाँदेमा खोला तर्ने क्रममा बगेर बेपत्ता भएका व्यक्ति तिन दिन सम्म फेला परेनन
जाजरकोट कै जुनीचाँदै गाउँपालिका– ११ मा खोला तर्ने क्रममा चिप्लिएर खोलामा बगेर बेपत्ता भएका सोहि गाउँपालिका वडा नम्बर-१०, का २१ वर्षिय तेजबहादुर रोकाय तीन दिन देखि फेला परेका छैनन्।
जिल्ला प्रहरी कार्यालय जाजरकोटका प्रमुख पुरुषोत्तम पाण्डेका अनुसार उनको खोजि कार्य निरन्तर रुपमा भईरहे पनि उनि फेला परेका छैनन्। र उनको खोजि गरिरहेको उनले बताए। रोकाया मंगलबार स्थानिय खानाखोला तर्ने क्रममा बगेर बेपत्ता भएका हुन्।
