सर्लाही – सर्लाहीमा दुई वटा मोटरसाईकल एक आपसमा ठोक्किँदा ४ जना घाईते भएका छन। आज (आईतबार) दिउँसो जील्लाको लालबन्दी नगरपालिका–७, पूर्व बसपार्क नजिकै बा ८४ प ७४५६ र ज ५ प ३२८९ नम्वरको मोटरसाइकल आपसमा ठोक्किँएका हुन्।
मोटरसाइकल दुर्घटनामा परि ४ जना घाईते भएका छन्। घाईते हुनेहरुमा बा ८४ प ७४५६ नम्वरको मोटरसाइकलमा सवार जिल्लाको चन्द्रनगर गाउँपालिका ३ का २४ वर्षीय पंकज महतो (चालक), सोहि मोटरसाइकलमा पछाडी सवार चन्द्रनगर ३ कै २६ वर्षीय गोविन्द पण्डित र ज ५ प ३२८९ नम्वरको मोटरसाइकलमा सवार महोत्तरीको गौशाला नगरपालिका १२ का २७ वर्षीय पंकज सिंह (चालक) र सोही मोटरसाइकलको पछाडि सवार सोहि ठेगाना भएका २४ वर्षीय अमित सिंह रहेका छन्।
घाइतेहरु मध्ये पंकज बाहेक अन्य तीन जनाको अवस्था सामान्य रहेको प्रहरीले जनाएको छ। प्रहरीका अनुसार घाईते पंकजलाई उपचारका लागि काठमाण्डौंमा रेफर गरिएको छ। उनको हातको एक औला काटिएको (छिनिएको) लगायत शरीरमा चोट लागेको छ। अन्य तीन जनाको भने अहिले लालबन्दीस्थित अस्पतालमा उपचार भईरहेको छ।
