सर्लाही – सर्लाहीको ईश्वरपुरस्थित सागरनाथ वन परियोजनाभित्रबाट तस्करी गर्दै गरेको काठसहित एउटा गाडी नियन्त्रणमा लिएको प्रहरीले जनाएको छ।
प्रहरीका अनुसार ईश्वरपुरस्थित बाँके खोला क्षेत्रमा सालको गोलियासहित काठ लोड गर्दै रहेको अवस्थामा इलाका प्रहरी कार्यालय केशरगन्जबाट खटिएको प्रहरीको टोलीले उक्त काठ र गाडी नियन्त्रणमा लिएको हो।
तस्करहरुले काठ गाडीमा लोड गरेर भाग्ने लागेको अवस्थामा प्रहरी पुगेको र प्रहरी देख्नस्थाथ तस्करहरु गाडी र लोग गरिएको काठ छोडेर भागेका थिए।
प्रहरीले उक्त स्थानबाट ५ थान सालको गोलियासहित काठ लोड भएको बा ८ च ७४९१ नम्वरको पिकअप गाडी नियन्त्रणमा लिएको छ। नियन्त्रणमा लिएईको काठ डिभिजन वन कार्यालय लालबन्दीमा बुझाईएको र यस सम्बन्धी अनुसन्धान अघि बढाईएको प्रहरीले जनाएको छ।
सम्बन्धित समाचार
