गोडैता – सर्लाहीमा ठूलो परिमाणमा पटका बरामद भएको छ। जील्लाको सदरमुकामसमेत रहेको मलङ्गवा नगरपालिका- ४ गणेशियास्थित बेबारिसे घरमा लुकाइछिपाइ राखिएको पटका बरामद गरिएको हो।
बरामद भएको पटकाको मूल्य करिब २७ लाख ७७ हजार ५ सय मूल्य बराबरको रहेको बताईएको छ। उक्त पटका सशस्त्र प्रहरी बल नेपाल नम्बर १० गणबाट खटिएको टोलीले बरामद गरेको हो।
चाडपर्व नजिकिएसँगै सर्लाहीका विभिन्न नाकाहरूबाट विगतदेखि नै पटकाहरू भित्रिने गरेको छ । यस पटक पनि उक्त पटका भारतबाट ल्याइ नेपालको विभिन्न सहरमा पठाउनका लागि उक्त स्थानमा राखिएको हुन् सक्ने आशंका गरिएको छ।
सम्बन्धित समाचार
