सर्लाही – सिन्धुपाल्चोकको भोटेकोशी नदीमा खसेको बोलेरो गाडीमा सवार एक महिलाको शव भेटिएको प्रहरीले जनाएको छ । शनिबार घटनास्थलबाट करिब १५ किलोमिटर दक्षिण त्रिपुरासुन्दरी गाउँपालिका–६ ड्यामसाईडस्थित सुनकोशी नदीको किनारमा शव फेला परेको हो।
प्रहरीका अनुसार शव नदीको किनारमा रहेको ढुंगाको कापमा भेटिएको हो। उक्त शव सोहि गाडीमा सवार सुन्तली तामाङको रहेको पाईएको छ। शवको सनाखत उनको पारिवारिक श्रोतबाट भएको हो।
उक्त बोलेरोका चालक भने अझै फेला परेका छैनन् । सिन्धुपाल्चोकस्थित बाह्रबिसे–तातोपानी सडकअन्तर्गत छ्याक्सानजिकै भोटेकोसी नदीबाट शुक्रबार क्रेनको सहयोगमा गाडी निकालिएको थियो ।
