सर्लाही – करोडौको लत्ताकपडासहित भारत बिहारका दुई जना मकवानपुरमा पक्राउ परेका छन्। पक्राउ पर्नेमा भारत बिहारका १९ वर्षीय मुना मिया र सोहि ठाउँका ३० वर्षीय जन्दार आलम रहेका छन्।
उनीहरुलाई जिल्ला प्रहरी कार्यालय मकवानपुरबाट खटिएको प्रहरीको टोलीले जील्लाको हेटौडा उपमहानगरपालिका-१५ रातोमाटे चेकपोष्टस्थित सडकबाट बुधबार करिब ३ बजेतिर पक्राउ गरेको हो।
जिल्ला प्रहरी कार्यालय मकवानपुरका अनुसार उनीहरु सुनसरीबाट हेटौडा हुँदै काठमाडौं जाँदै गरेको बि-आर ०५ जिडि १३ ४३ नम्बरको भारतीय ट्रकलाई रोकी चेकजाँच गर्ने क्रममा करिब १ करोड ३५ लाख बराबरको लत्ताकपडा भेटीएपछि उनीहरुलाई पक्राउ गरिएको हो।
प्रहरीले उनीहरुको साथबाट भारतीय ट्रकसहित, ३ सय ४५ बोरा आलुको भन्सार बिल काटेर उक्त ट्रकमा प्रति बोरा ५० किलोको दरले २ सय ६४ बोरा आलु राखी आलुको बोराको भित्री भागमा लुकाई छिपाई गरी जम्मा ७४ बोरा विभिन्न किसिममा तयारी कुर्ता, रोल सहितको सर्ट एवं पाइन्टको कपडाहरू बरामद गरेको छ।
