सर्लाही – रौतहटमा मोटरसाइकल दुर्घटना हुँदा एक जनाको मृत्यु भएको छ। मृत्यु हुनेमा जील्लाको कटहरिया नगरपालिका–९ डुमरियाका २६ बर्षीय रामजन्म पासवान रहेका छन्।
पासवान गएराती जिल्लाकै कटहरिया बजारदेखि पश्चिम लालबकैया पुल पारी कटहरिया गम्हरीया सडक खण्डमा मोटरसाइकल दुर्घटनामा परि गम्भीर घाईते भएका थिए।
गम्भीर घाईते पासवानलाई उपचारका लागि स्थानिय अस्पतालमा लगेर प्रथामिक उपचार गरेर थप उपचारका लागि प्रादेशिक अस्पताल गौरमा लगिएकामा उनको सोहि अस्पतालमा उपचारका क्रममा मृत्यु भएको रौतहट प्रहरीले जनाएको छ।
प्रहरीका अनुसार उनि सवार मधेस प्रदेश ०३–०२८ प ४९४१ नम्बरको मोटरसाईकल तीव्र गतिका कारण अनियन्त्रित भई दुर्घटनामा परेको हो। मृतक पासवानको शव अहिले पोस्टमार्टमका लागि सोहि अस्पतालमा राखिएको र घटनाका सम्बन्धमा थप अनुसन्धान भईरहेको छ।
