गोडैता – सर्लाहीमा जमिन मूनि लुकाएर राखिएको अबैध लागुऔषध प्रहरीले नियन्त्रणमा लिएको छ। बुधबार दिउँसो जील्लाको हरिवन नगरपालिका – ३ मा स्थानिय टाउके भन्ने ब्यक्तिको घर नजिकै रहेको कुखुराको खोरको छेउमा जमिन मुनी गाढेर राखेको लागुऔषध बरामद गरिएको हो।
जील्ला प्रहरी कार्यालय सर्लाहीका अनुसार गोप्य सूचनाको आधारमा खटिएको प्रहरीको टोलीले उनको घरवरिपरि तलासी गर्ने क्रममा उक्त लागुऔषध भेटिएको हो। प्रहरीले उक्त स्थानबाट ओनरेक्स लेखिएको एक सय एमएलको ९६ थान बोतल बरामद गरेको छ।
उक्त लागुऔषध जमिनमुनी प्लाष्टिक र चटिको बोरामा गाडिएको थियो। अहिले घरधनि टाउके फरार रहेको र उनको खोजीकार्य भईरहेको तथा बरामद लागुऔषध ईलाका प्रहरी कार्यालय हरिवनको कार्यालयमा ल्याईएको र घटनाका सम्बन्धमा अनुसन्धान अघि बढाईएको प्रहरीले जनाएको छ।
सम्बन्धित समाचार
