सर्लाही – सिरहामा ब्रेक फेल भएर यात्रुवाहक बस दुर्घटना भएको छ। जील्लाको मिर्चैया नगरपालिका–७, बाख्रा बजारस्थित मिर्चैया–कटारी राजमार्गमा यात्रुवाहक बस दुर्घटना भएको हो।
सिरहा प्रहरीका अनुसार दुर्घटनामा १३ जना बसमा सवार यात्रु घाईते भएका छन्। घाइतेको अहिले मिर्चैयास्थित मनकामना अस्पतालमा उपचार भइरहेको छ। घाइतेहरुमध्ये केहिको टाउकोमा गहिरो चोट छ भने केहिलाई सामान्य चोटपटक लागेको छ।
उदयपुरको कटारीबाट मिर्चैयातर्फ आउँदै गरेको ना ३ ख ७०३४ नम्बरको मिनी बस दुर्घटनामा परेको हो। प्रहरीको प्रारम्भिक अनुमान अनुसार बस ब्रेक फेल भएर दुर्घटनामा परेको बताईएको छ। दुर्घटना पश्चात बसका चालक फरार रहेको र उनको खोजि भईरहेको प्रहरीले जनाएको छ।
तपाईको प्रतिक्रिया !
सम्बन्धित समाचार
