सर्लाही – बाराको सिम्रौनगढमा गाइगोठमा लुकाई राखिएको गाँजासहित दुई जना पक्राउ परेका छन्। पक्राउ पर्नेमा सिम्रौनगढ नगरपालिका वडा नम्बर ४ गंगानगर बस्ने जितेन्द्र कुशवाहा र सरोज प्रसाद यादव रहेका छन्।
उनीहरुलाई सिम्रौनगढ प्रहरीले (आज) आइतबार पक्राउ गरेको हो। प्रहरीका अनुसार उनीहरुले स्थानिय एक महिलाको गाइगोठमा लुकाइछिपाइ गरेर करिव ३४ किलो लागु औषध गाँजा लुकाएर राखेका थिए।
उनीहरुलाई उक्त गाँजासहित पक्राउ गरिएको र उनीहरुमाथि लागु औषध सम्बन्धीको कसुरमा कारबाही प्रक्रिया अगाडि बढाएको जील्ला प्रहरी कार्यालय बाराले जनाएको छ।
तपाईको प्रतिक्रिया !
सम्बन्धित समाचार
