सर्लाही – सर्लाहीको मियाँखोरस्थित पोखरीमा कार डुब्दा दुई जना बेपत्ता भएका छन्।
आज (मंगलबार) बिहान सर्लाहीको बयलवासबाट महोत्तरीको गौशाला जाँदै गरेको लु २ च ६७५८ नम्बरको कार अनियन्त्रित भई सर्लाहीकै ईश्वरपुर नगरपालिका–२ मियाँखोरस्थित सरस्वती उच्च माध्यामिक विद्यालयको पोखरीमा डुबेको हो।
जील्ला प्रहरी कार्यालय सर्लाहीका अनुसार कारमा सवार तीन जना मध्ये दुई जना बेपत्ता छन। बेपत्ता हुनेहरुमा गौशाला नगरपालिका–१० का अन्दाजी ३७–३८ वर्षीय सुरेश महतो र सोनवा गाउँपालिका–८ का ३७ वर्षीय रामाकान्त ठाकुर रहेका छन।
कार डुबेको खबर पाउनसाथ् उद्वारमा खटिएको सर्लाही प्रहरीले भने बेपत्ताहरु अहिले सम्म भेट्न नसकेको र बर्दिबासस्थित सशस्त्र प्रहरी बल नेपाल नम्बर २ छिन्नमस्ता बाहिनीबाट गोताखोर टोली बोलाईएको छ।
कारमा सवार अर्का क्ति महोत्तरीको गौशाला –२ का अन्दाजी ३१ वर्षीय जनक यादव पौडिएर बाहिर निस्कन सफल भएका छन्। घटनाका विषयमा थप अनुसन्धान भइरहेको प्रहरीले जनाएको छ ।
तपाईको प्रतिक्रिया !
सम्बन्धित समाचार
