सर्लाही – छठको दोस्रो दिन आज बर्तालु ‘खरना’ विधि गरिदै छ। आज बिहान पवित्र स्नान गरी दिनभरि निराहार उपवास बसेर राति सक्खरमा पकाइएको खिर कूल देवता र छठी देवीलाई चढाइ बर्तालुले त्यही खिर खानेछन् । यो विधिलाई ‘खरना’ भनिन्छ ।
आज दिनभरि उपवास गर्ने बर्तालुले सूर्यास्तपछि चन्द्रदर्शन गरेर दिन दिनभरि उपवास बसेर बेलुका चन्द्र दर्शन गरिसकेपछि माटोको नयाँ चुल्हो र माटाकै भाँडामा सक्खर, दूध र मंसिरमा पाक्ने स्थानीय जातको धानको चामल मिलाइ पकाइएको खिर केराको पातमा राखेर छठी मातालाई चढाएर बर्तालु र परिवारका अन्य सदस्यले प्रसादको रुपमा खानेछन्।
श्रद्धा, निष्ठा, समर्पणभाव र आत्मशुद्धिलाई निकै ख्याल गरिने छठ पर्व चार दिनसम्म विभिन्न विधि गर्दै मनाउने गरिन्छ। पर्वको पहिलो दिन ‘नहाय खाय’, दोस्रो दिन (आज) ‘खरना’, तेस्रो दिन ‘सझियाघाट’ र अन्तिम दिन अथात चौथो दिन ‘भोरका अरख’ वा ‘पारन’ गरि मनाउने चलन छन्। छठ पर्वमा बनाइएका प्रसाद ठकुवा, भुसुवासहितका मिष्टान्न परिकार इष्टजनलाई घरमै बोलाएर खुवाउने र आफन्तकहाँ पु¥याउन जाने मैथिल परम्परा छ । पर्वमा श्रद्धा र निष्ठाको निकै ख्याल गरिन्छ ।
तपाईको प्रतिक्रिया !
सम्बन्धित समाचार
