सर्लाही – काठमाडौंबाट महोत्तरी आउँदै गरेको बस मकवानपुरमा दुर्घटना भएको छ। काठमाडौंबाट महोत्तरीको लागि छुटेको प्रदेश २-०३-००१ ख ३६२९ नम्बरको बस मनहरी गाउँपालिका वडा नम्बर ७ समिडाँडा स्थित पूर्वपश्चिम लोकमार्गमा दुर्घटनामा परेको हो ।
दुर्घटनामा ३५ जना यात्रु घाइते भएको प्रहरीले जनाएको छ। दुर्घटनामा परेर घाइते भएका ३५ मध्ये २८ जनाको चितवनस्थित पुरानो मेडिकल कलेज भरतपुरमा उपचार भईरहेको छ, भने सामान्य अवस्था रहेका ३ जनाको स्थानीय अस्पतालमा उपचार भईरहेको र हेटौँडा अस्पतालमा उपचाररत ४ जना घाईतेको डिस्चार्ज भइसकेको छ।
पुरानो मेडिकल कलेजमा उपचाररत २८ मध्ये १३ जनाको मध्यम र १५ जनाको अवस्था सामान्य रहेको बताईएको छ। बसका चालक महोत्तरीको पिपरा गाउँपालिका वडा नम्बर २ का ३७ वर्षीय जय किशोर कापरलाई नियन्त्रणमा लिएको र यस सम्बन्धि अनुसन्धान भईरहेको मकवानपुर प्रहरी प्रवक्ता डिएसपी श्यामु अर्यालले जानकारी दिए।
तपाईको प्रतिक्रिया !
सम्बन्धित समाचार
