सर्लाही – पर्साका एक किशोरको चितवनमा बोलेरोको ठक्करबाट मृत्यु भएको छ।
मृत्यु हुनेमा पर्साको सखुवापर्सौनी गाउँपालिका–४ घर भएका १७ बर्षिय इशान अन्सारी रहेका छन्। पछिल्लो समय इशान चितवनको गैँडाकोट नगरपालिका–५ मा डेरा गरी बस्दै आईरहेका थिए।
आज मध्यान्न १२ बजे चितवनको भरतपुर महानगरपालिका–५ स्थित नयन चोकमा ना ४ च ६९५१ नम्बरको बोलेरोले ठक्कर दिँदा उनको मृत्यु भएको हो। प्रहरीका अनुसार उनि साईकलमा सवार भएर आएका थिए, सोहि क्रममा उक्त बोलेरोले उनलाई ठक्कर दिएको हो।
इशान बलेरोको ठक्करबाट गम्भीर घाइते भएका थिए। उनलाई उपचारका लागि भरतपुर अस्पतालमा लगिएको थियो र सोहि अस्पतालमा उनको उपचारको क्रममा मृत्यु भएको हो। इशानलाई ठक्कर दिने बोलेरो र त्यसका चालकलाई प्रहरीले नियन्त्रणमा लिईसकेको छ।
तपाईको प्रतिक्रिया !
सम्बन्धित समाचार
