सर्लाही – सर्लाहीमा मोटरसाईकल दुर्घटना हुँदा एक युवकको मृत्यु भएको छ भने अर्का एक जना घाईते भएका छन्। मृत्यु हुनेमा जील्लाको बलरा नगरपालिका-९, नरहरगन्जका २० बर्षिय राजिव सहनि रहेका छन्।
गएसाँझ जिल्लाकै बलरा नगरपालिका-१, मिर्जा हथियौलमा बिआर ३० एस ९३०६ नम्बरको भारतीय नम्बर प्लेटको मोटरसाईकल दुर्घटना हुँदा उनको मृत्यु भएको हो। मोटरसाईकल अनियन्त्रित भएर दुर्घटनामा परेको र दुर्घटनामा उनि घाइते भएको बताईएको छ।
घाईते राजिवको स्थानीय अस्पतालमा उपचारको क्रममा गएराति मृत्यु भएको हो। दुर्घटनामा परेर मोटरसाइकलको पछाडी सवार सोहि ठेगाना भएका बिटु दास घाईते भएका छन् अहिले उनको उपचार भईरहेको बताईएको छ।
मृतक राजीवको शव अहिले पोस्टमार्टमको लागि जील्ला सदरमुकाम मलंगवास्थित प्रादेशिक अस्पतालमा राखिएको र घटनाका सम्बन्धमा थप अनुसन्धान भईरहेको प्रहरीले जनाएको छ।
तपाईको प्रतिक्रिया !
सम्बन्धित समाचार
