सर्लाही – विदेश पठाउने भन्दै फेसबुकमा विज्ञापन गरेर ठगेको आरोपमा पर्साका एक युवक काठमाडौंमा पक्राउ परेका छन्। पक्राउ पर्नेमा पर्साको वीरगञ्ज घर भइ काठमाडौं तारकेश्वर बस्दै आएका २१ वर्षीय सुरज पौडेल रहेका छन्।
उनले बिभिन्न व्यक्तिलाई २ लाख १५ हजार रुपैयाँ ठगी गरेको भन्दै उजुरी परेपछि काठमाडौं उपत्यका अपराध अनुसन्धान कार्यालयको टोलीले उनलाई पक्राउ गरेको हो। उनले फेसबुकमा सुवेदी अभिशेक नामको आईडी खोलेर दुवईमा रोजगारीमा पठाउने भन्दै विज्ञापन गरेका थिए ।
सोहि बिज्ञापनका आधारमा उनि कहाँ केहि मानिस सम्पर्कमा आएर पैसा जम्मा गरेको र त्यसपछि उनि उक्त पैसा नै लिएर फरार भएको बताईएको छ। ति व्यक्तिहरुलाई उनले आफ्नो बैंक खातामा पैसा जम्मा गर्न लगाएको खुलेको प्रहरीले जनाएको छ।
तपाईको प्रतिक्रिया !
सम्बन्धित समाचार
