सर्लाही – सर्लाहीमा मोटरसाईकलको ठक्करबाट एक जना पुरुषको मृत्यु भएको छ।
मृत्यु हुनेमा जील्लाको बागमती नगरपालिका-११ का ५५ वर्षीय शिव थापा रहेको प्रहरीले जनाएको छ। प्रहरीका अनुसार आज (शनिबार) थापा सडक क्रस गरिरहेकै समयमा बागमतीबाट हरिवनतर्फ जाँदै गरेको बा. प्र.०२-०४५ प ३०४८ नम्बरकाे मोटरसाइकल ठक्कर दिएको थियो।
थापालाई तत्काल उपचारका लागि हरिवनस्थित नमूना अस्पतालमा लगिएकामा चिकित्सकले मृत घोषणा गरेका हुन्। ठक्कर दिने मोटरसाईकलका चालक सिन्धुलीकाे हरिहरपुरगढी गापा-८ निवासी ३० वर्षीय आयुष सिंजालीलाई नियन्त्रणमा लिएर घटनाका सम्बन्धमा थप अनुसन्धान भईरहेको छ।
तपाईको प्रतिक्रिया !
सम्बन्धित समाचार
