सर्लाही – प्रहरीले रौतहटका एक जना पुरुषलाई अपहरण गरि फिरौती रकम माग गर्ने दुई जनालाई पक्राउ गरेको छ।
पक्राउ पर्नेहरूमा वीरगंज महानगरपालिका-१६ ईनर्वागाउँ बस्ने ३० वर्षीय सन्तोष दास तत्मा र सोही महानगरपालिका-१६ नगवा बस्ने ३१ वर्षीय हरिशंकर शर्मा रहेका छन् । उनीहरुलाई आइतबार दिउँसो प्रहरीले पक्राउ गरेको हो। प्रहरीका अनुसार रौतहट कटहरिया नगरपालिका-६ बस्ने ४१ वर्षीय पुरूषलाई आइतबार अपहरण गरी फिरौती रकम माग गरेको भन्ने उजुरीको आधारमा उनीहरुलाई पक्राउ गरिएको हो।
उनीहरुको साथाबाट प्रहरीले नगद ५० हजार रूपैयाँ र अपहरणमा प्रयोग गरेको २ थान मोटरसाइकल समेत बरामद गरेको छ । पक्राउ परेका उनीहरु दुवै जनामाथि अपहरण तथा शरीर बन्धक कसूरमा जिल्ला अदालत पर्साबाट ७ दिन म्याद थप अनुमति लिई यस सम्बन्धमा अनुसन्धान अघि बढाईएको जिल्ला प्रहरी कार्यालय पर्साले जनाएको छ।
तपाईको प्रतिक्रिया !
सम्बन्धित समाचार
