मलंगवा – सिरहामा ड्युटीमा रहेका सशस्त्र प्रहरीका एक जना सईको गाडीको ठक्करबाट मृत्यु भएको छ। जील्लाको सीमावर्ती बरियारपट्टी गाउँपालिका- १ कचनारीमा गाडीको ठक्करबाट सशस्त्र प्रहरीका सई लक्ष्मणप्रसाद यादवको मृत्यु भएको हो।
बीओपी बरहरीमा कार्यरत यादवलाई ड्युटीमै रहेका बेला आज बिहान करिब ३ बजे नम्बर खुल्न नसकेको चारपाङ्ग्रे गाडीको ठक्करबाट उनको मृत्यु भएको प्रहरीले जनाएको छ। सई यादवलाई ठक्कर दिएर गाडी भारततर्फ भागेकाले नम्बर खुल्न सकेको छैन ।
तीव्र गतिमा आएको गाडी सई यादवले रोक्न खोजेपछि उनैलाई ठक्कर दिएर भागेको र उनको घटनास्थलमै मृत्यु भएको हो। उक्त गाडीको खोजि तलासी भईरहेको छ। तिब्र गतिमा आईरहेको गाडीमा मदिरा राखेर भारतको बिहारमा लिँदै गरेको आशंका गरिएको छ।
तपाईको प्रतिक्रिया !
सम्बन्धित समाचार
