सर्लाही – राष्ट्रिय प्रजातन्त्र पार्टी (राप्रपा)ले राजसंस्था र हिन्दूराष्ट्र पुनःस्थापना तथा तीनकुनेको प्रदर्शनमा पक्राउ परेका पार्टीका नेताहरूको रिहाइको मागसहित आज काठमाडौंमा प्रदर्शन गर्ने भएको छ ।
गत साता सम्पन्न केन्द्रीय कार्यसम्पादन समितिको बैठकले काठमाडौंको निषेधित क्षेत्रमा विरोध प्रदर्शन गर्ने निर्णय गरेको थियो । गत चैत १५ गते काठमाडौंको तीनकुनेमा भएको प्रदर्शनका क्रममा राप्रपाका वरिष्ठ उपाध्यक्ष रविन्द्र मिश्र, महामन्त्री धवल शमशेर राणालगायत पक्राउ परेका थिए । आउँदो बैशाख ९ गते ७७ वटै जिल्लामा विरोधसभा गर्ने राप्रपाले जनाएको छ।
साथै, प्रदर्शनलाई मध्येनजर गर्दै गृह मन्त्रालयले समाजमा हिंसा फैलाउने कुनै पनि अराजक, उत्तेजक र गैरकानूनी क्रियाकलापमा संलग्न नहुन अनुरोध गरेको छ । यदि त्यस्तो गरेमा कारबाही गर्ने चेतावनी दिएको छ।
तपाईको प्रतिक्रिया !
सम्बन्धित समाचार
