सर्लाही – यस वर्ष नेपालमा मनसुन सधैं भन्दा चाँडै सक्रिय हुने अनुमान गरिएको छ। जल तथा मौसम विज्ञान विभागअन्तर्गत मौसम पूर्वानुमान महाशाखाका अनुसार, मनसुन देशभित्र निर्धारित समयभन्दा केही दिन अगावै प्रवेश गर्ने सम्भावना देखिएको छ।
महाशाखाका मौसमविद् डेभिड ढकालका अनुसार, सामान्यतया पूर्वी नेपालमा मनसुन जेठको अन्त्यतिर (लगभग जेठ ३०) प्रवेश गर्ने गरेको भए पनि यसपटक त्यो समय अझ चाँडो सारिने देखिएको छ।
उनले बताएअनुसार, जेठ १३ गतेदेखि नै भारतको आसाम, भुटान तथा बङ्गलादेशका केही पूर्वी क्षेत्रमा मनसुनले उपस्थिति जनाइसकेको छ। भूउपग्रहबाट प्राप्त बादलीय तस्बिर र वायुमण्डलीय विश्लेषणका आधारमा अबको केही दिनभित्र, विशेषतः जेठ १७ भित्र, नेपालमा पनि मनसुन प्रवेश गर्ने प्रबल सम्भावना रहेको उनले जनाए।
यसै सन्दर्भमा, यो वर्ष औसतभन्दा बढी वर्षा हुने अनुमान गरिएको छ, जसले कृषि, जलस्रोत तथा दैनिक जनजीवनमा उल्लेखनीय प्रभाव पार्न सक्छ।
तपाईको प्रतिक्रिया !
सम्बन्धित समाचार
