साङ्केतिक तस्बिर
धनुषा — ठगीको गम्भीर आरोपमा रमण कन्स्ट्रक्सनका सञ्चालक पवन महतोलाई प्रहरीले काठमाडौंबाट पक्राउ गरेको छ। पक्राउपछि उनलाई थप अनुसन्धानका लागि धनुषा ल्याइएको धनुषा प्रहरीले जनाएको छ।
धनुषा जिल्ला प्रहरी कार्यालयका प्रमुख एसपी नरहरि रेग्मीका अनुसार पवन महतोमाथि ठगी सम्बन्धी कसुरमा अनुसन्धान भइरहेको छ। उनीसँगै उनका पिता बलराम महतोविरुद्ध समेत प्रहरीको पक्राउ पुर्जी जारी गरिएको थियो।
यस प्रकरणमा उजुरीदाता बनेका छन् सन्तोष यादव, जो स्वयं पनि ठेक्कापट्टा व्यवसायमा संलग्न छन्। प्रारम्भिक जानकारीअनुसार यादव र महतो परिवारबीच पहिले साझेदारीमा ठेक्कापट्टाको काम हुँदै आएको थियो। तर पछिल्ला दिनमा दुवै पक्षबीच विवाद चुलिँदै गएको थियो।
यादवले महतोहरूविरुद्ध एक करोड रुपैयाँभन्दा बढीको रकम ठगी र आपराधिक विश्वासघात गरेको आरोपसहित उजुरी दिएका छन्। हाल प्रहरीले घटनाबारे विस्तृत अनुसन्धान थालेको छ।
तपाईको प्रतिक्रिया !
सम्बन्धित समाचार
