सर्लाही – सरकारले मधेश प्रदेशलाई सुखाग्रस्त क्षेत्र घोषणा गरेसँगै गोडैता नगरपालिकाले राहतस्वरूप मालपोत कर निःशुल्क गर्ने निर्णय गरेको छ । अब गोडैताका नगरवासीले चालु आर्थिक वर्ष २०८२/०८३ को लागि मालपोत कर तिर्नुपर्ने छैन।
नगरपालिकाले सोमबार एक सूचना जारि गर्दै साउन ११ गते सम्पन्न नगर कार्यपालिकाको बैठकले सम्पूर्ण मालपोत कर निःशुल्क गर्ने निर्णय गरेको जानकारी गराएको हो। नगरपालिकाले सुखाग्रस्तले कृषकहरूको जीवनमा परेको प्रत्यक्ष प्रभावलाई विचार गर्दै नगरपालिकाले यो निर्णय लिएको हो।
कृषि क्षति भोगिरहेका किसानहरूलाई राहत दिने उद्देश्यले वडा कार्यालयमार्फत सिँचाइको सुविधा समेत उपलब्ध गराउने तयारीसमेत गरेको सूचना उल्लेख गरिएको छ। योसंगै गोडैता नगरपालिकाले प्राकृतिक प्रकोपबाट प्रभावित नागरिकहरूको पुनःस्थापनादेखि आर्थिक पुनर्जीवनसम्मका कार्यक्रमलाई प्राथमिकतामा राख्ने स्पष्ट संकेत दिएको छ।
तपाईको प्रतिक्रिया !
