सांकेतिक तबिर
सर्लाही – जल तथा मौसम विज्ञान विभागका अनुसार पछिल्लो ६ घण्टामा देशभर विभिन्न स्थानमा वर्षा मापन गरिएको छ। जसमा मधेश प्रदेश सबै भन्दा बढी बर्षा भएको छ।
विभागका अनुसार वीरगञ्जमा पछिल्लो ६ घण्टामा मात्रै ६४ मिलिमिटर वर्षा भएको छ। त्यस्तै, रौतहटको गौरमा ५७, बाराको कलैयामा ५४, महेशपुरमा ५३, पर्साको टाँडीमा ५० र ठोरीमा ४८ मिलिमिटर पानी परेको छ।
बागमती र गण्डकी प्रदेशमा पनि उल्लेख्य मात्रामा पानी परेको विभागले जनाएको छ। काठमाडौँ उपत्यकामा गोदावरी स्टेशनमा ४१ मिलिमिटर वर्षा मापन भएको छ। खुमलटारमा २८, चन्द्रागिरीमा ३५, नगरकोटमा ३०, कपनमा २० र कलंकीमा २३ मिलिमिटर वर्षा भएको छ।
यस्तै, कोशी, लुम्बिनी र सुदूरपश्चिम प्रदेशमा भने अन्य क्षेत्रको तुलनामा कम मात्र वर्षा भएको विभागले जनाएको छ।
तपाईको प्रतिक्रिया !
