सर्लाही – आज २०८२ साउन १९ गते, सोमबार। हिन्दू पात्रोअनुसार साउन शुक्ल दशमी परेको छ। आजको दिन विशेष मानिन्छ, किनभने यो साउन महिनाको तेस्रो सोमबार हो, भगवान शिवको आराधनामा समर्पित एक पवित्र दिन।

साउनको सोमबारलाई शिवको प्रिय दिन मानिन्छ। यही कारण आज देशभरका शिव मन्दिरहरूमा भक्तजनको घुइँचो लाग्ने गर्दछ। शिवभक्तहरू बिहानै स्नान गरेर व्रत बस्छन्, र बिहानदेखि बेलुकासम्म शिव–पार्वतीको पूजा गर्छन्।

धार्मिक मान्यता अनुसार सोमबारको व्रतले मनोकामना पूरा हुन्छ, ज्ञान प्राप्त हुन्छ, र जीवनमा शुभफल मिल्छ। अविवाहित युवतीहरूले विशेषगरी राम्रो वर पाउनका लागि यो व्रत बस्ने परम्परा अझै जीवित छ।

सोमबारको व्रत सूर्य उदाएको साथ सुरु हुन्छ र सूर्य अस्ताएपछि मात्र समापन हुन्छ। पूजा आरम्भ गर्नु अघि भगवान गणेशको पूजा अनिवार्य मानिन्छ। दिनभर निराहार व्रत बसिए पनि आरतीपछि मात्र भोजन गरिन्छ।

साउन सोमबार विशेष पूजा कसरी गर्ने?
शिव मन्दिरमा जानुहोस् र दियो र धूप बाल्नुहोस्। घरमा पनि पूजा गर्न सकिन्छ । नदी वा इनारबाट शुद्ध पानी ल्याउनुहोस्। बोरवेलको पानी पनि लिन सकिन्छ । यसमा गंगाजल र काँचो दूध (न तताएको) थप्नुहोस्। त्यसपछि शिवलाई अर्पण गर्नुहोस्। जल अर्पण गर्दा ओम नमः शिवाय मन्त्रको जप गर्नुहोस्।

यसपछि देवतालाई चन्दन चढाउनुपर्छ । त्यसपछि बेलपत्र, धतुरो र मदारको फूल चढाउनुहोस्। यसका साथमा जे पनि पूजा सामग्री उपलब्ध छ, त्यसलाई भगवानलाई अर्पण गर्नुहोस् र ओम नमः शिवाय मन्त्रको १०८ पटक जप गर्नुहोस्। त्यसपछि प्रभुलाई मिठाईको भेटी बाँड्नुहोस्। साउनको सोमबार भगवान शंकरको पूजा गर्नाले सबै प्रकारका रोगहरु हट्छ ।

यस दिन व्रत वा व्रत गर्दाको फल पनि छिट्टै मिल्छ । साउन सोमबारको शिव पूजा र व्रतले रोग निको हुने, मनोकामना पूरा गर्ने, प्रतिष्ठा र आयु वृद्धि हुने विश्वास गरिन्छ । साउन सोमबार गरेको दानले अनेकौं पुण्य प्राप्त हुने मान्यता रहि आएको छ । जसबाट जानीजानी वा नजानी सबै प्रकारका पापहरू पनि समाप्त हुन्छन्।