सर्लाही – रौतहटको चन्द्रपुर नगरपालिका–धन्सर क्षेत्रमा आइतबार प्रहरीले झन्डै १० किलो गाँजासहित एक युवकलाई पक्राउ गरेको छ। पक्राउ पर्नेमा बारा निजगढ नगरपालिका – १२ बस्ने ३४ वर्षीय दीपक थिङ रहेका छन्।
इलाका प्रहरी कार्यालय चन्द्रनिगाहपुरका प्रहरी सहायक निरीक्षक टीकामाया शिवाकोटीको नेतृत्वमा खटिएको टोलीले उनलाई ९ किलो ७५० ग्राम गाँजासहित पक्राउ गरेको हो।
ना ८० प ९८९३ नम्बरको मोटरसाइकलमा पश्चिमबाट पूर्वतर्फ गइरहेका थिङको साथमा रहेको जेब्रा झोलामा राखिएका दुई पोकाबाट गाँजा फेला परेको जिल्ला प्रहरी कार्यालय गौरले जनाएको छ। यस सम्बन्धमा थप अनुसन्धान भईरहेको छ।
तपाईको प्रतिक्रिया !
