सर्लाही – रौतहटको गरुडा नगरपालिका–९ स्थित नयाँ गम्हरिया श्रीपुर माविमा कार्यरत शिक्षक रबिन्द्र साहले आफ्नै विद्यालयकी एक छात्रालाई ‘आई लभ यु जान’ म्यासेज पठाएको विषय सार्वजनिक भएपछि ठूलो विवाद उत्पन्न भएको छ। उक्त घटना सामाजिक सञ्जालमा फैलिएसँगै विद्यार्थी, अभिभावक र स्थानीयवासीहरू आक्रोशित भए र विद्यालय परिसरमा तोडफोड तथा विरोध प्रदर्शन गरे।
शिक्षक साहको यो व्यवहारले शिक्षण पेशामा व्याप्त गम्भीर चुनौती र नैतिक पतनको विषयलाई पुनः उजागर गरेको छ। शिक्षकलाई मात्र शिक्षा दिने नभई नैतिकता र अनुशासनको प्रतीक मानिने समाजमा यस्तो व्यवहारले ठूलो धक्का पुगेको छ।
विद्यालयका प्रधानाध्यापक राम आधार पासवानले शिक्षकविरुद्ध कारबाही प्रक्रिया अघि बढाइएको जानकारी दिएका छन्। प्रहरीले शिक्षक साहलाई नियन्त्रणमा लिएर अनुसन्धान थालेको छ। यस घटनापछि विद्यालयमा छात्रा र अभिभावकहरूले सुरक्षित वातावरणको माग गर्दै सम्बन्धित निकायहरूसँग न्यायको अपेक्षा राखेका छन्।
शिक्षक साह राजनीतिक पृष्ठभूमि भएकाले निष्पक्ष अनुसन्धान र कारबाहीमा बाधा आउन सक्ने चिन्ता समेत स्थानीयमा व्याप्त छ। शिक्षक साह स्वयमं आमजनता पार्टीका महिला मोर्चाका अध्यक्ष बबिता साहका श्रीमान हुन्। तथापि, समुदायले यस घटनामा कुनै सम्झौता वा माफी नहुने दबाब राखेको छन्।
यो घटनाले शिक्षण पेशामा नियोगका स्तरमा सुधार, शिक्षक छनोट, प्रशिक्षण र निगरानी प्रक्रियामा आवश्यक परिर्वतनको मागलाई थप बल पुर्याएको छ। साथै, विद्यालय र शिक्षकमाथि रहेको सामाजिक भरोसा कायम राख्न कडा नियम र अनुशासनको आवश्यकता देखिएको छ।
नाबालिगसँग अश्लील व्यवहार वा दुर्व्यवहार हुन नदिन कडा कानुनी र शैक्षिक कदमहरू चालिनुपर्ने आवश्यकतामा सबै सरोकारवालाहरू सहमत छन्। यसले शिक्षा क्षेत्रको प्रतिष्ठामा लागेको धक्का मात्र होइन, भविष्यमा सुरक्षित र स्वस्थ शिक्षण वातावरण सुनिश्चित गर्ने चुनौती पनि प्रस्तुत गरेको छ।
शिक्षक साहले बिद्यालय मै अध्ययनरत एक छात्रालाई जन्मदिनको अवसरमा ‘हैपी बर्थ डे मेरी जान आई लब यु’ भनेर सन्देश पठाएको आरोप लगाइएको छ। यस घटनाले शिक्षक र विद्यार्थीबीचको विश्वास पुनर्स्थापना, शैक्षिक पेशामा नैतिकता र व्यावसायिकता कायम गर्नुपर्ने आवश्यकतालाई गम्भीरतापूर्वक सोच्न बाध्य बनाएको छ।
सम्बन्धित खबर:
– शिक्षकले बिद्यार्थीलाई ‘आई लव यु ज्यान’ भनेर म्यासेज पठाएपछि…
तपाईको प्रतिक्रिया !
सम्बन्धित समाचार
