सर्लाही – मधेश प्रदेशका मुख्यमन्त्री सतिशकुमार सिंहले सबै ८ जना राज्यमन्त्रीलाई बर्खास्त गरेका छन् । २० सदस्यीय पुगेको मधेशको मन्त्रिपरिषद अब १२ सदस्यीय भएको छ । जसमा ११ मन्त्रालयमा १/१ जना मन्त्री र एक मुख्यमन्त्री छन् ।
मन्त्रिपरिषद धेरै ठूलो बनाएको भन्दै चर्को आलोचना भएपछि मुख्यमन्त्री सिंहले हालै नियुक्त भएका सबै ८ राज्यमन्त्रीलाई बर्खास्त गरेका हुन्। २५ जेठमा मुख्यमन्त्री नियुक्त भएका मुख्यमन्त्री सिंहले पछिल्लो पटक २२ साउनमा पाँच राज्यमन्त्री थप गरेर मन्त्रिपरिषद २० सदस्यीय बनाएका थिए ।
मन्त्रिपरिषदलाई अनावश्यक रुपमा ठूलो बनाएर राज्यस्रोतको दोहन मात्र गरेको भन्दै आलोचना भएको थियो । मधेश प्रदेशसभाको प्रमुख प्रतिपक्षी दल जनता समाजवादी पार्टी नेपालले यसैलाई मुद्दा बनाउँदै आन्दोलन गरिरहेको थियो ।
बर्खास्तीमा पर्ने राज्यमन्त्रीमा एमालेका ३, कांग्रेसका २, जनमतका २ र लोसपाका १ जना रहेका छन् । बर्खास्त गरी मुख्यमन्त्री कार्यालयले प्रदेश प्रमुखलाई मंगलबार बिहान पत्र पठाइसकिएको मुख्यमन्त्री सचिवालय स्रोतले जनाएको छ ।
यो पनि पढ्नुहोस :
– मधेशमा थप ५ राज्यमन्त्री नियुक्त
– मधेश प्रदेशका मुख्यमन्त्री सिंहको राजिनामा माग्दै जनकपुरमा कुर्सी जुलुश
– रोजगारको संख्या घटदै जानू र मन्त्रालयको संख्या बढदै जानू मधेशको लागि दुर्भाग्यपूर्ण हो – सांसद सिंह
– मधेश प्रदेशमा सत्ताको चरम दुरुपयोग, १२ मन्त्रालय, २० जना मन्त्री
– अहिलेसम्मकै ठूलो मन्त्रिमण्डल गठन गरेका मुख्यमन्त्री सिंहलाई सोध्यो आफ्नै पार्टीले स्पष्टीकरण
सम्बन्धित समाचार
